10-iyuldan joriy etiladigan karantin cheklovlari Superliga o‘yinlariga ta’sir qiladimi?

O‘zbekiston miqyosida 10-iyuldan 1-avgustga qadar bir qator karantin cheklovlari joriy etildi.

“Daryo” muxbiri mazkur cheklovlar O‘zbekistonda Superliga va Pro-Liga uchrashuvlarining o‘tkazilishiga ta’sirini aniqlash maqsadida PFL bilan bog‘landi.

Ma’lum bo‘lishicha, ushbu cheklovlar Superliga va Pro-Liga o‘yinlarining o‘tishiga ta’sir o‘tkazmaydi. Uchrashuvlar barcha sanitariya talablariga rioya qilingan holda o‘tkazilishda davom etadi.

Eslatib o‘tamiz, Superliganing 2020-yilgi mavsumi koronavirus pandemiyasi sabab mart oyida 3-turga kelib to‘xtab qolgandi. 4-iyunda mamlakatda professional futbol uchrashuvlarini o‘tkazishga ruxsat berildi va 13-iyundan Superligaga restart berildi. Pro-liga bahslari esa 3-iyul kuni start oldi.