Toshkentdagi Virusologiya ilmiy-tekshirish instituti klinikasida 23 nafar, Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazida 73 nafar, Toshkent tibbiyot akademiyasi ko‘p tarmoqli klinikasida 23 nafar, shahar 1-son klinik shifoxonasida 11 nafar va Navoiy viloyatida 12 nafar, jami 142 nafar koronavirus infeksiyasiga chalingan bemor sog‘ayib, o‘z uyiga kuzatildi. Bu haqda Sog‘liqni saqlash vazirligi xabar qildi.
2020-yil 2-iyul holatiga ko‘ra, Toshkent shahri va viloyatida koronavirus infeksiyasidan tuzalganlar soni 3625 nafarni, Navoiy viloyatida COVID-19’dan forig‘ bo‘lganlar soni esa 252 nafarni tashkil qilmoqda.
2-iyul kun davomida 187 nafar bemor (avval Qashqadaryoda 45 nafar bemor tuzalgandi) koronavirusdan tuzaldi va sog‘ayganlarning umumiy soni 6034 nafarga yetdi.
Eslatib o‘tamiz, O‘zbekistonda 2020-yil 2-iyul soat 17:00 holatiga ko‘ra, koronavirus infeksiyasi qayd etilgan bemorlar soni 92 kishiga ko‘payib, 8996 nafarga yetgan. 15-mart, ya’ni O‘zbekistonda koronavirus epidemiyasi boshlanganidan beri jami 27 nafar bemor kasallik asoratlari oqibatida hayotdan ko‘z yumgan.
