Bugun,

  • USD 11095.31
  • RUB 173.84
  • EUR 10772.44

Bosh prokuratura ijtimoiy tarmoqlarda Ichki ishlar vazirligi Jazoni ijro etish Bosh boshqarmasining 64/18-sonli muassasasi (Sangorod)da mahkum Farrux Xidirovning qiynoqlardan vafot etgani haqida tarqalgan xabarlar yuzasidan izoh berdi.

Videodan kadr

Videodan kadr
Aniqlanishicha, mahkum Xidirov Farrux Anvarovich 2020-yil 3-iyun kuni Navoiy viloyatida joylashgan 11-sonli jazoni ijro etish koloniyasidan davolanish uchun O‘zbekiston Respublikasi IIV Jazoni ijro etish Bosh boshqarmasining mahkumlar uchun ixtisoslashtirilgan kasalxonasiga keltirilib, sil kasalliklar bo‘linmasiga davolanish uchun joylashtirilgan.

2020-yil 18-iyun kuni soat 05:45 da shifokorlar tomonidan ko‘rsatilgan tibbiy yordamga qaramay u vafot etgan.

Mahkum Farrux Xidirov 1975-yilda Toshkent viloyatining Yangiyo‘l shahrida tug‘ilgan. Muqaddam to‘rt marotaba sudlangan.

So‘nggi, ya’ni 5-marotaba 2010-yil 18-oktabrda jinoyat ishlari bo‘yicha Yangiyo‘l shahar sudi tomonidan O‘zbekiston Respublikasi Jinoyat kodeksining qator moddalari bilan aybdor deb topilib, 11 yil muddatga ozodlikdan mahrum qilinib, o‘ta xavfli retsidivist deb topilgan.

Shifokorlarning bergan tibbiy xulosasiga ko‘ra, marhum mahkum Farrux Xidirov ikkala o‘pka yallig‘langan sili, surunkali virusli gepatit (C), o‘pka yurak yetishmovchiligi hamda boshqa bir qator inson hayoti uchun o‘ta xavfli bo‘lgan kasalliklarga chalingan bo‘lib, ularning aksariyati uning salomatligiga bir muncha avvalroq jiddiy salbiy ta’sir o‘tkazib yuborgan.

Xususan, uning shifoxonada vafotiga yuqorida ko‘rsatib o‘tilgan inson hayoti uchun o‘ta xavfli kasalliklarning surunkali kuchayishi oqibatida yuzaga kelgan asoratlar sabab bo‘lgan.

Mahkum Farrux Xidirovning o‘limi holati yuzasidan Toshkent maxsus prokuraturasi tomonidan tergovga qadar tekshiruv harakatlari o‘tkazilib, uning vafot etganligi holatida biror-bir shaxsning harakatlarida jinoyat alomatlari aniqlanmaganligi sababli 2020-yil 26-iyunda jinoyat ishi qo‘zg‘atishni rad etish to‘g‘risida qaror qabul qilingan.

O‘z navbatida O‘zbekiston qonunchiligida yolg‘on va noto‘g‘ri axborotlarni tarqatganlik uchun tegishli javobgarlik belgilanganligini, shuningdek, har bir fuqaro o‘z huquqlari qatorida majburiyatlarini ham to‘liq anglab yetishi lozimligini bildirib o‘tamiz.

Bosh prokuratura

Eslatib o‘tamiz, “Ezgulik” inson huquqlarini himoya qilish tashkiloti rahbari Abdurahmon Tashanov Facebook’dagi sahifasida Farrux Xidirov murdasi tasvirga tushirilgan videoni e’lon qilgandi (hozirda ushbu post Facebook tomonidan o‘chirib qo‘yilgan). Huquq faoli koloniyada vahshiylarcha qiynoqlarga solingani oqibatida Farrux Xidirov vafot etganini bildirgan hamda Senat raisi, Bosh prokuratura va IIV rahbariyatidan izoh talab qilgandi.

Vaziyatga tezkorlik bilan izoh bergan IIV Farrux Xidirov o‘pka sili IV klinik bosqichi (limfa tugunlari tarqoq kattalashishi, orofarengial kandidoz, noma’lum etiologiyali uzoq davom etuvchi isitma, tana vazni kelganga nisbatan 10% dan ortiq kamayishi, diareya) tashxisiga ko‘ra vafot etgani, videoda ko‘rinayotgan qizarishlar bu murda dog‘i bo‘lib, tan-jarohatlariga aloqasi yo‘qligini bildirgandi.

Shuningdek, IIV axborot xizmati ushbu holat yuzasidan tekshiruv ishlari olib borilayotgani, natijasi haqida qo‘shimcha ma’lumot berilishini ma’lum qilgan.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi