2020-yilning 5 oyi davomida xizmat vazifasini bajarish paytida 5 nafar ichki ishlar xodimi vafot etgan, 73 nafar xodim tan jarohati olgan. Bu haqda Xalqaro press-klubning 1-iyul kuni bo‘lib o‘tgan sessiyasida Ichki ishlar vaziri matbuot kotibi Shohrux G‘iyosov ma’lum qildi.
Yo‘l harakati xavfsizligi xizmatida faoliyat yuritgan 4 nafar xodim vafot etgani, shuningdek, 31 nafari og‘ir tan jarohati olgani aytib o‘tildi.
G‘iyosov misol tariqasida Namangan va Xorazm viloyatlaridagi voqealarni keltirgan. Jumladan, 2-mart kuni Namanganning Pop tumanida qidiruvdagi shaxs o‘zini o‘ldirish bilan qo‘rqitmoqchi bo‘lib, qo‘lbola to‘pponchani boshiga tiragan chog‘ida bundan qaytarmoqchi bo‘lgan jinoyat qidiruv bo‘limi tezkor vakiliga ikki marta o‘q uzib jarohatlagan.
May oyida esa Xorazm viloyatida giyohvand moddalar savdosi bilan shug‘ullanuvchi shaxs ushlanganda, uning ukasi, uyidan miltiq olib chiqib ichki ishlar xodimiga o‘q uzgan. Natijada xodim og‘ir jarohat olgan.
Eslatib o‘tamiz, 2020-yilning aprel oyida Marg‘ilon shahridagi dehqon bozori hududida IIB post-patrul xizmati va jamoat tartibini saqlash boshqarmasi xodimi kaltaklangan edi.
Mavzuga doir:
- Shavkat Mirziyoyev Chiroqchi va Andijonda IIB xodimlarining fuqarolarni kaltaklashi bilan bog‘liq voqealar uchun soha rahbarlarini tanqid qildi
- Andijonlik fuqaroning IIB xodimlari tomonidan kaltaklangani ortidan Ombudsman va Akmal Saidov o‘rtasida bahs yuzaga keldi
- Toshkentda xizmat vaqtida qarshilikka uchragan militsioner o‘q uzishga majbur bo‘ldi
Izoh (0)