АҚШнинг Ню-Мексико штатида 3 киши қўл учун мўлжалланган антибактериал воситани ичганидан сўнг вафот этди. Бу ҳақда 26 июнь, жума куни штат соғлиқни сақлаш бошқармасига таяниб КОАТ телеканали хабар берди.
Бундан ташқари, бир киши бутунлай кўр бўлиб қолган, яна уч нафари оғир аҳволда. Бунга антисептик таркибида заҳарли метил спирти бўлгани сабаб бўлган.
Штат расмийларининг билдиришича, юқоридаги ҳолатлар май ойида содир бўлган.
Коронавирус пандемияси шароитида АҚШда антибактериал геллар кенг тарқалди. Америкаликлар уларни ҳар доим ўзлари билан олиб юради. Шунингдек, кўплаб жамоат жойлари ва дўконларда гелли идишлар ўрнатилган.
Эслатиб ўтамиз, апрель ойида Трамп коронавирусни нур ва дезинфекция воситалари билан даволашни таклиф қилган, шифокорлар уни бу йўлдан қайтарганди.
Изоҳ (0)