O‘zbekistonda 27-iyun soat 17:00 holatiga ko‘ra koronavirus bilan kasallanganlar soni 61 nafarga ko‘paydi va infeksiya yuqtirib olganlarning umumiy soni 7551 nafarga yetdi. Bu haqda Sog‘liqni saqlash vazirligi xabar bermoqda.

Yangi kasallanish holatlarining

• 38 nafari Karantin markazidagi fuqarolar (barchasi xorijdan kelgan) orasida;
• 22 nafari Toshkent shahrida (shundan 10 nafari koronavirusga chalinganlar bilan muloqotda bo‘lib, karantinga olingan fuqarolar orasida, 12 nafari aholi orasida);
• 1 nafari Toshkent viloyatida aholi orasida qayd etilgan.

Ayni soatlarda Xorazm viloyatida 18 nafar, Toshkent shahridagi Virusologiya ilmiy-tekshirish instituti klinikasida 7 nafar, jami 25 nafar koronavirusga chalingan bemor tuzalib, o‘z uylariga kuzatildi.

Shunday qilib, koronavirusdan sog‘ayganlar soni 5063 nafarga yetdi.

15-martda epidemiya boshlanganidan beri O‘zbekistonda 20 nafar bemor COVID-19 asoratlari oqibatida vafot etgan. Iyun oyida 5 nafar bemor hayotdan ko‘z yumdi.