Hindistonlik xaridor yangi Kia’ni salondan olib chiqayotib devorga urib oldi (video)

Hindistonda yangi Kia Carnival minivenini xarid qilgan haydovchi avtosalondan chiqishi bilan devorga urildi. Avariyadan so‘ng xaridor xuddi hech narsa bo‘lmagandek dilerlik markazidan avtomobilini haydab ketgan, deb xabar beradi Motor.

Videodan ko‘rish mumkinki, haydovchi gaz va tormoz tepkilarini adashtirib yuborgan va Kia Carnival devorga borib urilgan. Zarba oqibatda miniven kapoti va old bamperiga jiddiy zarar yetgan. Bundan tashqari, salondagi xavfsizlik yostiqchasi ham ishlab ketgan, mashinaning sovituvchi suyuqligi ham oqib ketgan.

Jiddiy to‘qnashuvga qaramay, avtomobil yana o‘t olgan. Shu sababli pachoqlangan miniven egasi mashinani haydab ketishga qaror qilgan. Dilerlik markazi xodimi omadsiz mijozga mashinani burib olishi uchun yordam bergan.

Avvalroq AQShda salondan minib chiqilgan yangi Toyota Supra avariyaga uchragani to‘g‘risida xabar berilgandi.