Bir oilaning yetti nafar a’zosida koronavirus chiqqani sabab “qizil” hududga aylangan Shofirkon tumanida bir haftada 127 nafar fuqaro va 280 nafar haydovchi karantin qoidalarini buzdi. Bu haqda “Daryo” muxbiri Laylo Hayitova xabar berdi.
Ta’kidlanishicha, belgilangan karantin qoidalarini buzgan 127 nafar fuqaro Ma’muriy javobgarlik to‘g‘risidagi kodeksning 54-moddasi (Epidemiyalarga qarshi kurash qoidalarini buzish) bilan ayblanib, bazaviy hisoblashning bir baravari miqdorida jarimaga tortilgan.
Shuningdek, 280 nafar haydovchiga tegishli avtotransport vositalari esa jarima maydonchasiga joylashtirilgan.
“Shofirkon tumanida koronavirusga chalinganlar soni ortib, “qizil” hududga kiritilgan bo‘lishiga qaramay, aholi o‘rtasida karantin qoidalarini buzayotganlar ham oshib bormoqda”, — deyiladi koronavirusga qarshi kurashish maxsus shtabi xabarida.
Mavzuga doir:
- Buxoroda bir oilaning yetti vakilida koronavirus aniqlandi. O‘zbekiston bo‘yicha kasallanish holatlari soni 3369 taga yetdi
- Shofirkonda koronavirusga chalingan haydovchi bilan muloqotda bo‘lganlarda kasallik aniqlandi. O‘zbekiston bo‘yicha kasallanish holatlari soni 3554 taga yetdi
- Buxoroda koronavirusga chalingan oila bilan muloqot qilgan 268 fuqaro karantinga olindi
Izoh (0)