Бир оиланинг етти нафар аъзосида коронавирус чиққани сабаб «қизил» ҳудудга айланган Шофиркон туманида бир ҳафтада 127 нафар фуқаро ва 280 нафар ҳайдовчи карантин қоидаларини бузди. Бу ҳақда «Дарё» мухбири Лайло Ҳайитова хабар берди.
Таъкидланишича, белгиланган карантин қоидаларини бузган 127 нафар фуқаро Маъмурий жавобгарлик тўғрисидаги кодекснинг 54-моддаси (Эпидемияларга қарши кураш қоидаларини бузиш) билан айбланиб, базавий ҳисоблашнинг бир баравари миқдорида жаримага тортилган.
Шунингдек, 280 нафар ҳайдовчига тегишли автотранспорт воситалари эса жарима майдончасига жойлаштирилган.
«Шофиркон туманида коронавирусга чалинганлар сони ортиб, «қизил» ҳудудга киритилган бўлишига қарамай, аҳоли ўртасида карантин қоидаларини бузаётганлар ҳам ошиб бормоқда», — дейилади коронавирусга қарши курашиш махсус штаби хабарида.
Мавзуга доир:
- Бухорода бир оиланинг етти вакилида коронавирус аниқланди. Ўзбекистон бўйича касалланиш ҳолатлари сони 3369 тага етди
- Шофирконда коронавирусга чалинган ҳайдовчи билан мулоқотда бўлганларда касаллик аниқланди. Ўзбекистон бўйича касалланиш ҳолатлари сони 3554 тага етди
- Бухорода коронавирусга чалинган оила билан мулоқот қилган 268 фуқаро карантинга олинди
Изоҳ (0)