Amerikaning Texas shtatida yashovchi Kianjene ismli qiz soch turmagini o‘zgartirmasa, shahodatnoma topshirish marosimiga qo‘yilmaydi, deb yozadi NBC News.

Foto: NBC News

Maktab ma’muriyatiga qizning Afrika uslubida o‘rilgan uzun pushtirang sochlari yoqmayapti.

18 yoshli Kianjenening onasi Kiane Xuperga maktab direktori qo‘ng‘iroq qilgan hamda qizi marosim dress-kodiga to‘g‘ri kelmaydigan soch turmagini o‘zgartirmasa, u bitiruv kechasiga qo‘yilmasligini aytgan.

“Siz shahodatnoma berayotgan insonni uning sochlariga qarab baholaysizmi? Dunyoda hozirgi kunda kuzatilayotgan ahvolni inobatga olgan holda buni ahmoqlik deb bilaman”, — deya javob bergan qizning onasi maktab direktoriga.

Afroamerikalik qiz sochi rangini o‘zgartirish yoki ularni yashirish uchun bosh kiyimi kiyish niyatida emas.