O‘zbekistonning “qizil” va “sariq” toifadagi hududlarida kunlik test olish soni oshiriladi. Bu haqda Prezident Shavkat Mirziyoyev 26-may kuni bo‘lib o‘tgan videoselektor yig‘ilishida ko‘rsatma bergan.
“Sog‘liqni saqlash vazirligi ‘qizil’ va ‘sariq’ hududlarda kunlik test olish sonini oshirishi lozim”, — deb ta’kidlagan davlat rahbari.
Shavkat Mirziyoyevning ta’kidlashicha, bunda tibbiyot muassasalari, bozorlar, banklar va aholi ko‘p joylarda nazorat testlar olish ko‘paytirilishi kerak.
Mavzuga doir:
Avvalroq, 26-aprel holatiga ko‘ra o‘tgan bir kunda mamlakatda 8 579 ta test olingani, mamlakatda epidemiya boshlanganidan beri jami 242 536 kishi tekshiruvdan o‘tkazilgani ma’lum qilingan edi.
Ma’lumot uchun, 26-may soat 17:00 holatiga ko‘ra O‘zbekistonda 3281 ta holatda koronavirus infeksiyasi bilan kasallanish holati aniqlangan, bemorlarning 2627 nafari sog‘aygan, 13 nafar bemor esa kasallik asoratlari oqibatida vafot etgan.
Izoh (0)