“Milan” afsonasi Paolo Maldini klubni tark etishi mumkin, deya xabar qilmoqda Defensa Central.
Sobiq himoyachi hozirda “Milan”ning strategik rivojlanish bo‘yicha direktori hisoblanadi. Maldini ancha vaqtdan buyon “Milan” rahbariyati bilan chiqisha olmayapti.
Agar 51 yoshli funksioner milanliklar klubini tark etadigan bo‘lsa, “Real” unga sport direktorligi lavozimini taklif qiladi. Madridliklar prezidenti Florentino Peres Maldiniga ishonch bildirishga tayyor.
Ma’lumot uchun, Paolo Maldini butun futbolchilik faoliyatini “Milan” safida o‘tkazgan. U asosiy jamoada 1984—2009-yillar mobaynida to‘p surib, 647 ta o‘yinda ishtirok etgan. 2018-yildan klub boshqaruvida ishlab keladi.
Mavzuga doir: Paolo Maldini va uning o‘g‘li koronavirusdan xalos bo‘ldi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)