O‘zbekistondagi jazoni ijro etish muassasalarida jazo muddatini o‘tayotgan mahkumlarga jo‘natma va banderollarni yetkazib berish 15-maydan boshlab qayta tiklandi. Bu haqda “O‘zbekiston pochtasi” ma’lum qildi.
Ta’kidlanishicha, O‘zbekistonda koronavirus infeksiyasi tarqalishining oldini olish bo‘yicha maxsus komissiyaning 6-maydagi yig‘ilish bayoniga asosan, 2020-yilning 8-may kunidan boshlab respublika hududida karantin bo‘yicha cheklovlarning bosqichma-bosqich bekor qilib borilishi belgilangandi.
Ichki ishlar vazirligi Jazoni ijro etish bosh boshqarmasi tomonidan jazo muddatini o‘tayotgan mahkumlarning qonuniy huquq va erkinliklarini ta’minlash maqsadida 15-may sanasidan boshlab mahkumlarga jo‘natma va banderollarni yetkazib berishga ruxsat berilgan.
Avvalroq O‘zbekistonda xalqaro aviapochta jo‘natmalarini yuborish qisman tiklangani haqida xabar berilgan edi.
Izoh (0)