O‘zbekistonda 17-may soat 23:00 holatiga ko‘ra, koronavirus infeksiyasi qayd etilganlar soni 7 kishiga oshib, 2753 nafarga yetdi. Bu haqda Sog‘liqni saqlash vazirligi xabar berdi.
Yangi kasallanish holatlarining 2 tasi xalqaro yuk tashuvchi avtomashina haydovchisida aniqlangan bo‘lsa, 3 tasi Sankt-Peterburgdan kelgan, 2 tasi esa oldindan karantinda bo‘lgan fuqarolar orasida aniqlangan.
“Qolgan barcha bemorlarga shifokorlarimiz tomonidan belgilangan standartlar bo‘yicha davo choralari ko‘rilmoqda”, — deyiladi SSV xabarida.
Ayni paytda mamlakatda 2247 nafar fuqaro koronavirus infeksiyasidan butunlay forig‘ bo‘ldi.
Shuningdek, bugun Surxondaryoda koronavirusga chalingan yana bir bemor vafot etib, COVID-19 qurbonlari soni 12 nafarga yetdi.
Izoh (0)