Ko‘cha suratlari rassomi Benksi o‘zining Instagram’dagi sahifasiga yangi kartinasini joylashtirdi. U Angliyaning Hempshir grafligidagi Sautgempton shifoxonasida paydo bo‘lgan, deb yozadi BBC News.
O‘lchami bir kvadrat metrga teng moxonrom polotnoda kombinezon va futbolka kiygan bolakay O‘rgimchak odam va Betmen o‘yinchoqlari yotgan idish yonida o‘tiribdi. Bolakayning qo‘lida hamshira ko‘rinishidagi o‘yinchoq bo‘lib, u xuddi Supermen kabi qo‘llarini yuqoriga ko‘tarmoqda. Hamshiraning kostyumida qizil xoch tasvirlangan — bu kartinadagi yagona rangli detal.
Rassom shifoxona xodimlariga xat qoldirgan: “Qilayotgan barcha ishlaringiz uchun rahmat. Umid qilamanki, bu faqatgina oq-qora rangda bo‘lsa ham, bu joyni biroz ruhlantiradi”.
Kartina kuzga qadar shifoxonada osig‘liq turadi, shundan so‘ng u auksion orqali sotilib, pullar Buyuk Britaniya Milliy sog‘liqni saqlash xizmatiga yo‘naltiriladi.
Eslatib o‘tamiz, 2019-yilning fevralida Benksi chizgan surat Sotheby’s auksionida bir million funtga sotilishi bilan o‘zini o‘zi yo‘q qilgan edi.
Mavzuga doir:
- Parijda bir yil ichida ikkinchi marta Benksining graffitisi o‘g‘irlab ketildi
- Benksining Britaniya parlamenti mazax qilingan kartinasi 12 mln dollarga sotildi. Bu ko‘cha musavviri asarlari uchun yangi rekord
- “Uydan ishlashimni xotinim yomon ko‘radi”. Benksi o‘zining karantinga bag‘ishlangan yangi ishlarini ko‘rsatdi (foto)
Izoh (0)