Toshkent shahar hokimligining “Toshkent shahrini 2041-yilgacha rivojlantirish bosh reja loyihasini ishlab chiqishga oid chora-tadbirlar to‘g‘risida”gi Prezident qarori loyihasi muhokamaga qo‘yildi.
Unga ko‘ra, Toshkent shahar hokimligi, “ToshkentboshplanLITI” DUK, Kentsel Yenileme Merkezi A.S. (Turkiya) kompaniyasi ishtirokida Toshkent shahrini 2041-yilgacha rivojlantirish bo‘yicha bosh reja konsepsiyalari ishlab chiqilgan.
Toshkent shahri bosh rejasi konsepsiyasining asosiy qoidalari O‘zbekistonni kelgusida Markaziy Osiyoning yirik ma’muriy-xo‘jalik, madaniy va ilmiy sanoat markazi sifatida rivojlanishini ko‘zda tutadi.
Poytaxtni shaharsozlik va ijtimoiy-iqtisodiy rivojlantirish masalalari quyidagicha hal etiladi:
- ishlab chiqarish kuchlarini joylashtirish va turli joylarga o‘rnashtirishning umumrespublika tizimi bilan;
- viloyat va unga tutash hududlarni yagona xalq xo‘jaligi, ijtimoiy va tabiiy ekologik majmualar sifatida rivojlantirishni hisobga olib;
- Toshkent shahrining qiyofasini tubdan yangilash maqsadida uni zamonaviy shaharsozlik talablariga muvofiqlashtirish;
- shaharning shaharsozlik rivojlanishining asosiy muammosi cheklangan hududiy resurslarda aholining son jihatdan o‘sishi bilan bog‘liq.
- Toshkent shahri aholi sonining o‘sishi bilan bog‘liq bo‘lgan;
- o‘tgan davr 2018-yil – 2,490 million kishi (2019-yil 1-yanvariga ko‘ra — 2,51 million yashovchi);
- hisob-kitob qilingan davr – 2041-yil 3,3 million kishi.
Konsepsiyada shahar tarkibiga Xonobod posyolkasi, O‘zgarish posyolkasi, Yunusobodning shimol qismi (Zangiota tumani), Salar posyolkasi, Olmos posyolkasi (Qibray tumani) bir qismi, Sergeliga tutash bo‘lgan (Zangiota, Yangiyo‘l, Yuqori Chirchiq tumanlari), Bektemir tumanining janubiy hududlari (Quyi Chirchiq tumani)ni kiritish rejalashtirilmoqda.
Shaharni rivojlantirish uchun Toshkent viloyatining yerlaridan, birinchi galda, qurilish ko‘zda tutilgan yer uchastkalarini ajratish va hisob-kitob muddatiga 8,4 ming gektar yer uchastkalarini ajratish mo‘ljallangan.
Toshkent shahrini istiqbolli rivojlantirish ikki guruh omillar bilan belgilanadi:
- Toshkentning ma’muriy va siyosiy qomusi, uning davlat poytaxti sifatidagi ahamiyati va Toshkent viloyatining ma’muriy markazi bilan shartlangan talablar;
- shaharning ichki qonunlarini ijtimoiy-hududiy tizim sifatida rivojlantirish.
Eslatib o‘tamiz, 2017-yili O‘zbekistonda Toshkent shahri hududini Toshkent viloyati tumanlari hisobidan kengaytirish bo‘yicha hujjat tayyorlanayotgani ma’lum bo‘lgandi.
Izoh (0)