Tovuq filesidan mazali va yengil hazm bo‘ladigan taom tayyorlash mumkin va ushbu taom mazasi katta-yu kichikka birdek yoqishi aniq. E’tiboringizga havola qilmoqchi bo‘lgan retseptni tayyorlash uchun ko‘p vaqt ketmaydi.
Foto: Getty Images
Buning uchun quyidagi mahsulotlar kerak bo‘ladi:
- tovuq filesi — 500 gramm;
- piyoz 2 dona;
- smeta yoki qaymoq — 2 qoshiq;
- un — 1 osh qoshiq;
- limon sharbati — 1 choy qoshiq;
- murch;
- tuz;
- o‘simlik yog‘i;
- ko‘katlar.
Tayyorlanishi:
- Ishni tovuq filesini yupqa qilib kesishdan boshlang, to‘g‘ralgan tovuq go‘shtiga limon sharbati soling, tuzlang va ta’bga ko‘ra murch qo‘shing.
- Fileni qizigan o‘simlik yog‘iga solib yarim-chala qilib qovuring.
- Piyozni yarim dumaloq shaklda kesib, o‘simlik yog‘ida tillarang bo‘lgunicha qovuring.
- Sous tayyorlang. Buning uchun 1 qoshiq unga suv qo‘shib, yaxshilab aralashtiring, keyin uni qovurilgan piyoz ustiga qo‘shing. Smetana, tuz solib qaynating.
- Sousga tovuq filesini qo‘shing va ustini yopib, dimlab pishiring.
- Taomga istalgan ziravor, xususan, quritilgan rayhon kukunini qo‘shish mumkin.
Tayyor bo‘lgan qaylali tovuqni kartoshka, guruch yoki sabzavotlar bilan qo‘shib dasturxonga tortish mumkin.
Yoqimli ishtaha!
