Axborot va ommaviy kommunikatsiyalar shtabida 14-aprel kuni Sanitariya-epidemiologiya nazorati davlat inspeksiyasi boshlig‘i, Respublika bosh davlat sanitariya inspektori Nurmat Otabekov ishtirokida o‘tkazilgan brifingda Xorazmdagi harbiy qismda koronavirus tarqalgani to‘g‘risidagi xabarlarga izoh berildi.
“22-mart kuni Moskva—Urganch (239 nafar) va Novosibirsk—Urganch (253 nafar) yo‘nalishidagi charter aviareyslarida jami — 492 nafar fuqaro Shovot tumanida joylashgan 49093-sonli harbiy qismdagi karantin gospitaliga joylashtirildi. 23—24-mart kunlari ushbu harbiy qismdagi karantin punktida 492 nafar fuqarodan COVID-19 koronovirus kasalligini aniqlash maqsadida tekshirish uchun namunalar olindi.
25—27-mart kunlari virusologik tekshiruvlar natijasiga asosan 7 nafar musbat natija qayd qilindi va u yerdagilar ‘Yoshlar’ va ‘Hayot-NN’ mehmonxonalari, Xonqa sanatoriysiga, TTA Urganch filiali klinikasiga, TATU Urganch filiali yotoqxonasiga ko‘chirildi. Hozir harbiy qismda fuqarolar qolmagan”, — deydi Nurmat Otabekov.
Shuningdek, Nurmat Otabekov Toshkentdagi 17-shahar klinik kasalxonasi va Mirzo Ulug‘bek tumanidagi 8-oilaviy poliklinika karantinga yopilganini tasdiqlagan.
Mavzuga doir: Buxoroda koronavirusga chalingan to‘rt kishi sog‘aydi. O‘zbekiston bo‘yicha sog‘ayganlar soni 89 nafarga yetdi
Izoh (0)