Toshkent shahridagi Gematologiya va qon quyish ilmiy-tadqiqot instituti donorlar yordamiga ehtiyoj sezmoqda. Karantin paytida donorlar soni keskin kamaygan va og‘ir bemorlarga donorlik qoni kerak bo‘lmoqda.
Ma’lum qilinishicha, ayni payda bemorlarga shifokorlarning o‘zi qon topshirmoqda, biroq bu yetarli emas.
Institut Toshkent shahri, Shota Rustaveli ko‘chasi, 138-uy manzilida joylashgan Respublika qon quyish markazi yaqinida yashovchi Toshkent aholisidan yordam so‘ramoqda. Respublika qon markazi “Birodarlik qabristoni” yodgorlik majmuasi yaqinida joylashgan.
Qayd etilishicha, qonni ertalab, yog‘li ovqatlarsiz, yengil nonushtadan so‘ng topshirish kerak. Qon topshirmoqchi bo‘lganlar o‘zi bilan fuqarolik pasportini olib borishi kerak.
Markaz telefon raqamlari: +99871 2504792, +99871 2501425, +99871 2504790.
Avvalroq O‘zbekistonda koronavirusga chalingan bemorlarni davolash uchun sog‘ayib ketganlarning qon zardobidan antitela maqsadida foydalanilishi yo‘lga qo‘yilishi haqida xabar berilgan edi.
Izoh (0)