Тошкент шаҳридаги Гематология ва қон қуйиш илмий-тадқиқот институти донорлар ёрдамига эҳтиёж сезмоқда. Карантин пайтида донорлар сони кескин камайган ва оғир беморларга донорлик қони керак бўлмоқда.
Маълум қилинишича, айни пайда беморларга шифокорларнинг ўзи қон топширмоқда, бироқ бу етарли эмас.
Институт Тошкент шаҳри, Шота Руставели кўчаси, 138-уй манзилида жойлашган Республика қон қуйиш маркази яқинида яшовчи Тошкент аҳолисидан ёрдам сўрамоқда. Республика қон маркази «Биродарлик қабристони» ёдгорлик мажмуаси яқинида жойлашган.
Қайд этилишича, қонни эрталаб, ёғли овқатларсиз, енгил нонуштадан сўнг топшириш керак. Қон топширмоқчи бўлганлар ўзи билан фуқаролик паспортини олиб бориши керак.
Марказ телефон рақамлари: +99871 2504792, +99871 2501425, +99871 2504790.
Аввалроқ Ўзбекистонда коронавирусга чалинган беморларни даволаш учун соғайиб кетганларнинг қон зардобидан антитела мақсадида фойдаланилиши йўлга қўйилиши ҳақида хабар берилган эди.
Изоҳ (0)