WSJ: Italiyada koronavirus qurbonlari soni e’lon qilinganidan ko‘proq bo‘lishi mumkin

Italiyada koronavirus bo‘yicha tegishli testdan o‘tkazilmayotgani sabab mamlakatda qurbonlar soni ko‘proq bo‘lishi mumkin. Bu haqda Wall Street Journal nashri xabar berdi.

“Qurbonlar soni rasman e’lon qilinganidan ko‘proq. Lekin bu ayblov emas. Vafot etayotganlar vaqt va resurslar cheklangani sabab tekshirilmay qolib ketgan” — deydi Kokkalyo shahari meri o‘rinbosari Eugenio Fossati.

Ta’kidlanishicha, koronavirus uchun testlar asosan kasallik alomatlari bor odamlardan olinmoqda.

“Vafot etgan va test topshirmagan marhumlarning asosiy qismini qariyalar tashkil etmoqda, biroq odatda bizda buncha ko‘p inson bir vaqtda o‘lmaydi. Bu koronavirus”, — deydi Breshiya shahridan bo‘lgan shifokor Eleonora Kolombi.

Italiya koronavirus bilan kasallanganlar soni bo‘yicha Yevropada birinchi o‘rinni egallab kelmoqda. So‘nggi ma’lumotlarga ko‘ra, mamlakatda 110 mingdan ortiq odam koronavirus bilan kasallangan, vafot etganlar soni esa 13 mingdan oshib ketdi. O‘zbekistonda esa koronavirus bilan kasallanganlar soni 190 kishiga yetdi. Mamlakatda ilk koronavirus holati aniqlanganidan buyon hozirga qadar ikki kishi kasallik qurboniga aylangan.