Kinorejissor Nozim Abbosov 21-mart kuni 58 yoshida olamdan o‘tdi. Bu haqda Madaniyat vazirligi xabar qildi.
Nozim Abbosov 1962-yilda taniqli rejissor Shuhrat Abbosov xonadonida tavallud topgan. Faoliyatini 1984-yilda postanovkachi rassom sifatida boshlagan.
U rejissor sifatida “Fellini”, “Oydinoy”, “Abadiyat charxi”, “Dilor, Dilor... dil va or”, “Said va Saida” kabi filmlarni suratga olgan.
Ma’lumot uchun, Nozim Abbosovning otasi Shuhrat Abbosov 2018-yil 25-aprel kuni vafot etgan edi.
Avvalroq, 20-mart kuni taniqli aktrisa, o‘zbek dublyaj ustalaridan biri, xalq artisti Oybarchin Bakirova vafot etgani haqida xabar berilgan edi.
Izoh (0)