Gollivud aktyori, prodyusser, ssenariynavis Bryus Uillis 19-mart kuni o‘zining 65 yoshini nishonladi. Aktyorning rafiqasi Instagram’dagi sahifasiga joylagan suratlardan ko‘rish mumkinki, bayram koronavirus pandemiyasiga qaramasdan juda yaxshi va quvnoq tarzda o‘tgan, deb xabar beradi “Korrespondent.net”.
Uillisning 41 yoshli turmush o‘rtog‘i Emma Xemming tug‘ilgan kun egasi shortik va maykada qizlari — yetti yoshli Meybl Rey va besh yoshli Evelin Penn bilan koptok o‘ynayotgani tasvirlangan video bilan bo‘lishgan.
“Alyuminiyli koptok bilan tungi o‘yinlarimiz”, — deb yozadi Xemming. Shuningdek, u rolikka “karantin” xeshtegini ham qo‘shib qo‘ygan.
Bryus Uillis o‘z karyerasi davomida yuzdan ortiq rollarni ijro etgan. Ular orasida “Chaqilmas yong‘oq”, “Oltinchi tuyg‘u”, “Armageddon”, “Slevinning omadli soni”, “Gunohlar shahri”, “Beshinchi element” kabi filmlar mashhurlikka erishgan.
Izoh (0)