Toshkent shahridan 18-mart, chorshanba kuni, 100 ga yaqin yengil transport vositalari Andijon, Farg‘ona va Namangan viloyatlariga xayriya aksiyasi doirasida talabalarni manzillariga bepul yetkazib qo‘ydi. Bu haqda “Daryo” muxbiri Musulmonbek Ibrohimov xabar bermoqda.

Foto: “Daryo”

Foto: “Daryo”

Vodiy hokimliklari va Transport vazirligining viloyat boshqarmalari hamkorligida Toshkent shahrida tahsil olayotgan talaba-yoshlarni yashash joylariga qaytarish uchun Qo‘yliq massividagi vodiyga qatnovchi avtomobillar turargohida maxsus 100 ga yaqin yengil transport vositalaridan iborat xayriya aksiyasi tashkil etildi. Ushbu aksiyasida yo‘lovchi tashish bilan shug‘ullanuvchi tadbirkorlar va shaxsiy avtomobil egalari qatnashdi.

(chapdan) Ahrorbek Muzaffarov va Musulmonbek Ibrohimov.

Foto: “Daryo”

Andijon viloyati transport boshqarmasi bosh inspektori Ahrorbek Muzaffarovning ma’lum qilishicha, avtomobil turargohiga kelishga imkoniyati bo‘lmagan talabalar uchun yotoqxonasiga alohida transport vositalari yuborilgan.

“Andijon viloyatidan 20 ta avtomobil poytaxtimizga bordi. Qo‘yliqqa kelishga imkoniyati yo‘q bo‘lgan talabalar uchun Talabalar shaharchasi va Ohangaron, Angren shaharlariga 5 ta avtomobil yubordik”, — dedi Ahrorbek Muzaffarov.

(chapdan) Faxriddin Ismoilov va Musulmonbek Ibrohimov.

Foto: “Daryo”

Boshqarmaning birinchi toifali inspektori Faxriddin Ismoilovning aytishicha, avtomobillarning aksari xodimlarning o‘ziniki.

“Boshqarmada xizmat qilayotgan inspektorlar ham o‘zlarining shaxsiy avtomashinasi bilan xayriya aksiyasiga qo‘shildi”, — dedi u.

Namangan transport boshqarmasi bo‘limi boshlig‘i Bahodir Abduraimovning ta’kidlashicha, dastlab aksiyaga 35 ta yengil transport vositasi keltirilgan bo‘lsa, keyinroq ularga yana 7 ta avtomashina egalari o‘z ixtiyorlari bilan qo‘shilgan.

“Yo‘lkira narxlari asossiz qimmatlab ketishining oldini olish maqsadida yo‘lovchi tashish bilan shug‘ullanayotgan tadbirkorlarimiz 2-3 tadan aksiyaga avtomobil ajratib berdi. Asosan, talabalarni tekinga uylariga yetkazishni boshlagan edik. Bo‘sh joylar ortib qolsa, ketishga moddiy imkoniyati yo‘q aholiga ham bepul xizmat ko‘rsatdik. O‘rtacha hisobda 130 nafar yo‘lovchi yashash manziliga yetkazib qo‘yildi. Ular asosan, Namangan shahar markaziga olib borildi”, — deydi Bahodir Abduraimov.

(chapdan) inspektorlar Sherzodbek Qodirov, Mirzali Akbarov va Musulmonbek Ibrohimov.

Foto: “Daryo”

Farg‘ona viloyati transport boshqarmasining birinchi toifali inspektori Mirzali Akbarovning aytishicha, grafik asosda, kunning birinchi qismida, 20 ta yengil transport vositasi Qo‘qon va Farg‘ona shaharlariga talabalarni olib borgan: “Keyin yana 15 ta avtomobilda talabalarni yo‘nalish bo‘yicha manziliga yetkazib qo‘ydik”.

Suhbat paytida aksiya xizmatidan foydalangan talabalar bundan minnatdor bo‘lganliklarini bildirdi. Ularning ko‘pchiligi chegirmalar bo‘lishini kutganini, bepul yetkazib qo‘yishlarini esa kutmaganliklarini aytib o‘tdi.

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”

Foto: “Daryo”