Shukrulloxon Nisbatxonov Farg‘ona viloyati Davlat soliq boshqarmasi boshlig‘i etib tayinlandi. Bu haqda “Daryo” muxbiri Azizjon Ermatov xabar bermoqda.
Shukrulloxon Nisbatxonov ushbu tayinlovga qadar Farg‘ona viloyati davlat soliq boshqarmasi boshlig‘i o‘rinbosari vazifasida ishlab kelgan.
Sh.Nisbatxonov 1969-yil Farg‘ona viloyatida tug‘ilgan. 1988-yili Marg‘ilon reja-iqtisod texnikumini, 1997-yilda esa Andijon muhandislik-iqtisodiyot institutini tamomlagan.
U soliq tizimidagi mehnat faoliyatini 1992-yilda Yozyovon tumani davlat soliq inspeksiyasida davlat soliq inspektori lavozimida boshlagan. Hozirga qadar sohada turli lavozimlarda ishlagan.
“Daryo” manbasining qo‘shimcha qilishicha, Farg‘ona viloyati davlat soliq boshqarmasining sobiq boshlig‘i Yu.Nasimjanov boshqa lavozimga o‘tkazilgan.
Izoh (0)