Шукруллохон Нисбатхонов Фарғона вилояти Давлат солиқ бошқармаси бошлиғи этиб тайинланди. Бу ҳақда «Дарё» мухбири Азизжон Эрматов хабар бермоқда.
Шукруллохон Нисбатхонов ушбу тайинловга қадар Фарғона вилояти давлат солиқ бошқармаси бошлиғи ўринбосари вазифасида ишлаб келган.
Ш.Нисбатхонов 1969 йил Фарғона вилоятида туғилган. 1988 йили Марғилон режа-иқтисод техникумини, 1997 йилда эса Андижон муҳандислик-иқтисодиёт институтини тамомлаган.
У солиқ тизимидаги меҳнат фаолиятини 1992 йилда Ёзёвон тумани давлат солиқ инспекциясида давлат солиқ инспектори лавозимида бошлаган. Ҳозирга қадар соҳада турли лавозимларда ишлаган.
«Дарё» манбасининг қўшимча қилишича, Фарғона вилояти давлат солиқ бошқармасининг собиқ бошлиғи Ю.Насимжанов бошқа лавозимга ўтказилган.
Изоҳ (0)