Havoqand People kompaniyalar guruhi (Les Ailes, Chopar, Bro burger va boshqa loyihalar) asoschisi Ahmad Meliboyev sheriklar, hamkasblar va hukumatni qo‘llab-quvvatlashga va o‘zaro yordamga chaqirib, o‘zining Facebook’dagi sahifasiga ochiq xat joylashtirdi. Quyida uning asosiy qismlaridan parchalar keltirildi.

Foto: Facebook/Ahmad Melibayev

Biznes xasta

Borini yozaman... Hozirgi paytda men va mening jamoam og‘ir pallani o‘tkazyapmiz. So‘nggi kunlarda barcha jarayonlarni optimallashtirish va katta xarajatlarni kamaytirishga harakat qilyapmiz. Bunday vaziatda faqat biz emasligimizni ishonch bilan aytishim mumkin. Ko‘p hamkasblarim — tadbirkorlar hech bo‘lmasa, borini yo‘qotmaslik uchun kurashmoqda.

Biz bu inqirozni birga yengib o‘tamiz. Inshaalloh, barchasi yakunlanganda birga iqtisod va biznesni tiklaymiz, albatta.

Biz bilan birgalikda kurashayotgan hamkasblar, hamkorlar va nazorat organlariga murojat qilmoqchiman.

Kelinglar birgalikda harakat qilaylik.

Xavfsizlik choralarini birga ko‘raylik.

Bir-birimizni qo‘llab-quvvatlaylik.

Atrofdagi vahimaga qarshi birga kurash olib boraylik.

Oxirgi hisob-kitoblarga qaraganda, biz 40 foizgacha savdo hajmini yo‘qotdik. Bilaman, ba’zi restoratorlar bundan ham ortiq yo‘qotishgan. Xarajatlar hajmi hozircha “eplab turishga” qanchadur muddat faoliyat yuritish imkonini beradi.

Biz 6 yildan beri O‘zbekiston bozoridamiz va o‘z poydevorimizni sug‘urtalashga ulgurganmiz. Lekin “yangi novdalar”ga nima bo‘ladi? Yaqinda biznes olamiga kirgan tadbirkorlar holati nima kechadi?

Ortiqcha hissiyot va vahimaga berilmasdan, biznesga yordam kerak.

Bizga qo‘llab-quvvatlashlaringiz kerak

Men joy ijaraga beruvchilarni ham shunday hamkorlik va hamjihatlikka chaqiraman. Tushuning, shartlarni qattiqlashtirib, murosa yo‘lini tanlamasdan, siz nafaqat bizga ziyon keltirasiz — o‘zingizga ham. Barchamiz bir qayiqdamiz va aynan siz uni tebratyapsiz.

Shuningdek, nazorat organlarini, qattiy muddatli bo‘lmagan hisobotlar bilan bizni yuklamaslikni iltimos qilaman. Nimanidir berkitayotganimiz uchun emas, balki butun jamoamiz (barcha kabi bugungi kunda), o‘zimiz va mijozlarimiz xavfsizligini ta’minlash harakatidamiz.

Hukumat vaziyatni qo‘lga olish maqsadida juda katta resurslarni yo‘naltirgan. Men buni cheksiz qadrlayman, minnatdorman va bu ishni qo‘llashga tayyorman, har tomonlama tayyorman.

Lekin, shu bilan birga, biznesga ahamiyat va amaliy yordam berilishini so‘rayman. Ko‘p davlatlar buni kech tushunib yetishdi. Ba’zi tarmoqlar tanazzulga uchradi. Turizmdagi vaziyat bunga misol. Bizni nima kutyapti, buni hozirdan tushunib yetaylik. Umumiy ovqatlanish — bu ham turizm tarmog‘ining bir qismi. Horeca’ning bo‘lagi. Hozir bizda tayyorgarlik ko‘rishga vaqt va imkon bor. Kelinglar, bu imkoniyatdan foydalanaylik.

Meni qanday tushunishlaringdan qat’i nazar, barchani biznes va tadbirkorlikni qo‘llashga chaqiraman. Men nafaqat o‘zimni, balki barcha tadbirkorlar haqida gapiryapman. Onlayn-yetkazish, take away, savdo bilan shug‘ullanadiganlar haqida. Karantin — zaruriy, kerakli chora. Lekin sizni yordamingizsiz bu davrlarda biz omon qola olmaymiz.

Biz har bir filialda tegishli choralar ko‘ryapmiz. Men va jamoam uchun juda muhim, mijozlarimiz va xodimlarimiz xavfsizligini ta’minlash uchun barcha resurslarni yo‘naltirdik, instruksiyalarga amal qilish — diqqat e’tiborimizda.

Befarq bo‘lmagan barchaga minnatdorchilik bildiraman. Hamkasblarga ulkan sabr va kuch-quvvat tilayman.