Dunyo

Koronavirus tufayli hindcha salomlashayotgan Tramp, gazniqobdagi o‘quvchi, 100-qavatdagi kuzatuv maydoni. 12-martning eng qiziqarli suratlari

12.03.2020, 23:58 53112

12-mart, payshanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.

Angliyaning Vulverhempton shahridagi avtomobillar turargohida koronavirusga tekshirish uchun namuna olinmoqda.

Mavzuga doir: “Daryo” oqshomi: Xitoy koronavirusi bo‘yicha 12-martning asosiy xabarlari

AQSh prezidenti Donald Tramp Oq uyda koronavirus bo‘yicha to‘g‘ridan to‘g‘ri efirda xalqqa murojaat qilmoqda.

XKS-63 ekipaji a’zosi Ivan Vagner Yulduz shaharchasidagi imtihonlarga keldi. Ekipaj 9-aprel kuni Boyqo‘ng‘irdan uchishi rejalashtirilgan.

Istanbuldagi Dolmabahche saroyi dezinfeksiya qilinmoqda.

Mavzuga doir: Turkiyada koronavirus tufayli sayyohlik mavsumi boshlanishi kechiktiriladi

Shayxontohur tumani Tozalik va obodonlashtirish boshqarmasi xodimalari o‘zlariga belgilangan hudud tomon otlanmoqda.

Basketbol ishqibozlari “Oklaxoma”—“Yuta” o‘yini qoldirilgani e’lon qilingandan so‘ng arenani tark etmoqda. Uchrashuv arafasida “Yuta” basketbolchisi Rudi Goberda koronavirus aniqlandi va NBA’da mavsum to‘xtatib qo‘yildi.

Rimda yopiq do‘konlar orasidan o‘tib go‘sht rastasiga go‘sht olib ketayotgan erkak. Italiya hukumati koronavirus tarqalishining oldini olish uchun oziq-ovqat do‘konlari va dorixonalardan boshqa barcha do‘konlarni yopdi.

Mavzuga doir: “Alkogol mahsulotlari koronavirusdan himoya qilmaydi”. SSV spirtli ichimliklar ichishga undovchi SMS’ni rad etdi

Kolumbiyaning jinoyat darajasi yuqori bo‘lgan Soacha shahrida maktab o‘quvchisi koronavirusning oldini olish uchun qo‘lbola usulda yasab olingan gazniqob taqqan holda darsda o‘tiribdi.

Mavzuga doir: JSST vakili koronavirusning O‘zbekistonga kirib kelishi ehtimoli yuqori ekanini bildirdi

The Edge kuzatuv maydonchasidan Nyu-York shahrini tomosha qilayotgan tashrifchi.

Iroqning Najaf shahrida Imom Ali masjidiga tashrif buyurgan himoya niqoblaridagi ayollar. Iroqda koronavirus bilan kasallanish bo‘yicha 71 ta holat qayd etilgan.

Mavzuga doir: Eron koronavirus tufayli Xalqaro valyuta jamg‘armasidan 5 mlrd dollar so‘radi

Shavkat Mirziyoyev Xiva shahridagi Ichanqal’a majmuasiga tashrif buyurib, Amir To‘ra madrasasida amalga oshirilgan restavratsiya ishlari bilan tanishdi.

Iordaniyalik dizayner Samiya Al-Zakleh kristallardan niqoblar yasay boshladi. Dizayner shu tariqa niqob taqish koronavirusning oldini olishda muhim ahamiyatga egaligini tushuntirmoqchi.

Mavzuga doir: O‘zbekiston koronavirusga qarshi kurash uchun Eronga gumanitar yordam jo‘natadi

Janubiy Koreyaning Tegu shahridagi bog‘da niqob taqqan qariyalar.

Mavzuga doir: Janubiy Koreyada koronavirus qurbonlari soni 66 kishiga yetdi

Gretsiyada Tokio—2020 olimpiadasining mash’alasi yoqildi. Koronavirus xavfi tufayli marosim tomoshabinlarsiz o‘tkazildi.

Mavzuga doir: Koronavirus va sport: bekor qilinayotgan musobaqalar, virusni yuqtirgan “Yuventus” himoyachisi haqida so‘nggi ma’lumotlar

Tayvandagi Lunshan ibodatxonasiga kirish oldidan koronavirusdan himoyalanish uchun qo‘llarini yuvayotgan erkak.

Donald Tramp Oq uyda Irlandiya bosh vaziri Leo Varadkar bilan uchrashdi. Koronavirusdan himoyalanish uchun Tramp Varadkar bilan qo‘l berib ko‘rishmay, hindchasiga salomlashganini aytdi.

Mavzuga doir: Shavkat Mirziyoyev koronavirus haqida gapirdi (video)

Santyago shahrida Chili hukumatiga qarshi namoyish ishtirokchilarini tarqatish uchun politsiya suv sepmoqda.

Salvadorda ulgurji savdo qiluvchi do‘konlardan xaridlarni amalga oshirayotgan xaridorlar.

Dezinfeksiyachilar jamoasi Kirklenddagi qariyalar uyiga kirishga tayyorlanmoqda. Ushbu qariyalar uyi AQShda koronavirus episentrlaridan biri hisoblanadi.

Mavzuga doir: Xitoyda koronavirus bilan kasallanganlarning salkam 78 foizi sog‘aydi

Parijda portugaliyalik Patrisiya Kunya tomonidan pushti soyabonlardan yaratilgan Umbrella Sky Procejt installyatsiyasi.

Avvalgi kunlarning fotogalereyalari: