11-fevral, seshanba kuni, Namangan shahri “Baynalminal” mahallasida yashovchi, 1980-yilda tug‘ilgan G‘iyosiddin Xo‘jayev (ism-shariflar shartli) turmush o‘rtog‘ini rashk qilib, qo‘shnisi, 1969-yilda tug‘ilgan Dadaxon Aliyevni 20-umumta’lim maktabi oldiga chaqiradi. Bu haqda “Daryo”ga Bosh prokuratura matbuot xizmati xabar berdi.

Shundan so‘ng G‘iyosiddin qo‘shnisi Dadaxonni o‘zining boshqaruvidagi Spark mashinasiga o‘tkazib, o‘zaro tortishib, qo‘lida bo‘lgan pichog‘i bilan ko‘krak qismiga uch marotaba urib, qasddan o‘ldirgan.

Mazkur holat yuzasidan shu kuni shahar prokuraturasi tomonidan G‘iyosiddin Xo‘jayevga nisbatan JKning 97-moddasi 1-qismi bilan jinoyat ishi qo‘zg‘atilgan. U qo‘lga olingan.