11-fevral, seshanba kuni, Namangan shahri “Baynalminal” mahallasida yashovchi, 1980-yilda tug‘ilgan G‘iyosiddin Xo‘jayev (ism-shariflar shartli) turmush o‘rtog‘ini rashk qilib, qo‘shnisi, 1969-yilda tug‘ilgan Dadaxon Aliyevni 20-umumta’lim maktabi oldiga chaqiradi. Bu haqda “Daryo”ga Bosh prokuratura matbuot xizmati xabar berdi.
Shundan so‘ng G‘iyosiddin qo‘shnisi Dadaxonni o‘zining boshqaruvidagi Spark mashinasiga o‘tkazib, o‘zaro tortishib, qo‘lida bo‘lgan pichog‘i bilan ko‘krak qismiga uch marotaba urib, qasddan o‘ldirgan.
Mavzuga doir: Yangi yil kechasidagi dahshat: Toshkentda ichki ishlar organi xodimi homilador rafiqasini do‘pposlagan
Mazkur holat yuzasidan shu kuni shahar prokuraturasi tomonidan G‘iyosiddin Xo‘jayevga nisbatan JKning 97-moddasi 1-qismi bilan jinoyat ishi qo‘zg‘atilgan. U qo‘lga olingan.
Mavzuga doir:
- Jizzaxda 2 erkak o‘rtasida rashk sababli boshlangan janjal pichoqbozlik bilan yakunlandi
- Qarshidagi bog‘chada xotinini rashk qilgan er u yerda ishlovchi erkakni chavaqlab tashladi
- Toshkentda qiz rashk sababli sevgan yigitini pichoqladi. Yigit esa hali ham u bilan turmush qurish niyatida (video)
- Andijonlik erkak sobiq xotinini rashk qilib bo‘g‘ib o‘ldirdi
