International Experience xususiy bandlik agentligiga O‘zbekistondan tashqarida ish izlayotgan shaxslarni ishga joylashtirish faoliyati bilan shug‘ullanish uchun berilgan litsenziyaning amal qilishi vaqtinchalik to‘xtatildi, deya xabar bermoqda Bandlik va mehnat munosabatlari vazirligi matbuot xizmati.

Ma’lum qilishlaricha, agentlik Germaniya, Chexiya, Litva kabi davlatlarda ishga joylashtirish uchun fuqarolardan 50 ming dollardan ziyod pul olgan, biroq shartnoma shartlarini bajarmagan.

Shu bois “O‘zbekiston Respublikasidan tashqarida ish izlayotgan shaxslarni ishga joylashtirish bo‘yicha faoliyatni litsenziyalash tartibi to‘g‘risida”gi nizomning 45-bandiga muvofiq, International Experience xususiy bandlik agentligi litsenziyasining amal qilishi 10 ish kuni muddatiga to‘xtatilgan.