Yevropada eng ko‘p maosh oladigan futbolchilar ma’lum bo‘ldi
Fransiyaning L’Équipe nashri Yevropa kuchli beshlik ligalarining eng yuqori maosh oluvchi futbolchilari ro‘yxatini e’lon qildi.
Unga ko‘ra, eng yuqori maosh “Barselona” hujumchisi Lionel Messiga to‘lanadi. Argentinalik futbolchi oyiga 8,3 million yevro maosh oladi.
Ikkinchi o‘rinni 4,5 million oylik maosh bilan “Yuventus” forvardi Krishtianu Ronaldu egallagan. PSJ hujumchisi Neymar esa 3 million bilan kuchli uchlikka yakun yasagan.
Yevropa kuchli beshlik ligalarida eng yuqori maosh oladigan futbolchilar:
- Lionel Messi (“Barselona”) — 8,3 million yevro (oyiga)
- Krishtianu Ronaldu (“Yuventus”) — 4,5
- Neymar (PSJ) — 3,0
- Antuan Grizmann (“Barselona”) — 2,9
- Luis Suares (“Barselona”) — 2,9
- Garet Beyl (“Real”) — 2,5
- Eden Azar (“Real”) — 2,5
- Kilian Mbappe (PSJ) — 1,8
Bundesligada esa “Bavariya” hujumchisi Robert Levandovski va “Barselona”dan ijaraga olingan Filippe Koutinyo eng ko‘p maosh oladi — 1,66 million yevro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
