“Barselona” “Everton” klubiga Risharlison bo‘yicha taklif bilan chiqdi, deb yozadi Sky Sports.
Kataloniyaliklar Braziliya terma jamoasining hujumkor yarim himoyachisi uchun Mersisayd klubiga 100 million yevro taklif qilgan. Biroq “Everton” 22 yoshli Risharlisonni sotish niyati yo‘qligini bildirib, ushbu taklifga rad javobini bergan.
“Barselona” esa uni jarohat olgan Luis Suaresga o‘rinbosar sifatida olib kelmoqchi edi. Kataloniyaliklar sport direktori Erik Abidal Risharlisonni ancha vaqtdan beri kuzatib kelayotgani aytiladi.
Ma’lumot uchun, “Everton” Risharlisonni 2018-yil yozida 50 million funt evaziga “Uotford”dan sotib ogan. Futbolchi joriy mavsum Angliya chempionati doirasida 22 ta o‘yin o‘tkazib, 8 ta gol urdi va 4 ta golli uzatmani amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)