«Барселона» «Эвертон» клубига Ришарлисон бўйича таклиф билан чиқди, деб ёзади Sky Sports.
Каталонияликлар Бразилия терма жамоасининг ҳужумкор ярим ҳимоячиси учун Мерсисайд клубига 100 миллион евро таклиф қилган. Бироқ «Эвертон» 22 ёшли Ришарлисонни сотиш нияти йўқлигини билдириб, ушбу таклифга рад жавобини берган.
«Барселона» эса уни жароҳат олган Луис Суаресга ўринбосар сифатида олиб келмоқчи эди. Каталонияликлар спорт директори Эрик Абидал Ришарлисонни анча вақтдан бери кузатиб келаётгани айтилади.
Маълумот учун, «Эвертон» Ришарлисонни 2018 йил ёзида 50 миллион фунт эвазига «Уотфорд»дан сотиб оган. Футболчи жорий мавсум Англия чемпионати доирасида 22 та ўйин ўтказиб, 8 та гол урди ва 4 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)