Toshkent shahrining Bektemir tumanidagi bozorda qotillik yuz berdi. Bu haqda “Daryo”ga Bosh prokuratura matbuot xizmati xabar berdi.
Voqea 11-yanvar kuni soat 12:10 larda Bektemir tumani TXAY ko‘chasidagi “Toshkent qishloq xo‘jaligi mahsulotlari ulgurji bozori” AJ hududida sodir bo‘lgan.
54 yoshli A.I. 44 yoshli tanishi A.A. bilan yuk tushirish va ortish uchun mijoz talashib, o‘zaro janjallash oqibatida yonida bo‘lgan oshxona pichog‘i bilan A.A.ning chap ko‘krak sohasiga bir marotaba urib, qasddan o‘ldirgan.
Mazkur holat yuzasidan shu kuni tuman prokuraturasi tomonidan A.I.ga nisbatan Jinoyat kodeksining 97-moddasi 1-qismi (Qasddan odam o‘ldirish) bilan jinoyat ishi qo‘zg‘atilgan.
Izoh (0)