Xalq deputatlari Toshkent shahar Kengashining yangi saylangan tarkibi 13-yanvar kuni o‘zining birinchi sessiyasini o‘tkazdi. Unda Prezident taqdimnomasiga asosan shahar hokimini tasdiqlash masalasi ham ko‘rib chiqildi.
Ushbu masala bo‘yicha dastlab sessiyada qatnashgan O‘zbekiston bosh vaziri Abdulla Aripov so‘zga chiqib, Ortiqxo‘jayevning zamonaviy menejer, boshlagan har bir ishini mukammal qiladigan odam, deb atadi.
Bosh vazirdan keyin Toshkent shahar Kengashining bir qator deputatlari so‘zga chiqib, nomzod haqida iliq fikrlar bildirgan (“Daryo” muxbirining xabar berishicha, ulardan biri hokimlikka aynan Ortiqxo‘jayev nomzodi ko‘rsatilgani uchun minnatdorlik bildirgan).
Shundan so‘ng ovozga qo‘yilgan Toshkent shahar Kengashi tomonidan “O‘zbekiston Respublikasi Prezidenti tomonidan Toshkent shahar hokimi lavozimiga taqdim etilgan nomzodini tasdiqlash to‘g‘risida”gi qaror bir ovozdan ma‘qullangan.
Qarsaklar, tabriklar, gullar.
Jahongir Ortiqxo‘jayev hokim etib tasdiqlanganidan so‘ng so‘zga chiqib, bildirilgan ishonchni oqlashga so‘z berdi.
Izoh (0)