Xorijiy davlatlarda ish bilan ta’minlash evaziga fuqarolarning 51 500 dollarini qo‘lga kiritgan korxona rahbarlariga nisbatan jinoyat ishi ochildi. Bu haqda “Daryo”ga Bosh prokuratura matbuot xizmati xabar berdi.
Departamentning Yunusobod tumani bo‘limi tomonidan o‘tkazilgan tergovga qadar tekshiruvda “I.X.bandlik agentligi” MChJ mansabdor shaxslari bir necha fuqarolarning ishonchiga kirib, ularni aldab Germaniya, Chexiya, Litva va boshqa davlatlarda shartnoma asosida ish bilan ta’minlash evaziga jami 51 500 dollarni qo‘lga kiritib, ularni ish bilan ta’minlamasdan mablag‘larni o‘zlashtirib yuborgani aniqlangan.
Mazkur holat yuzasidan “I.X.bandlik agentligi” MChJ mansabdor shaxslariga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda 52 kishining arizasi asosida Human xususiy bandlik agentligi rahbariga nisbatan jinoyat ishi qo‘zg‘atildi
- Koreya orzusidagi yuzlab o‘zbekistonliklar aldangan. Ularning ayrimlari o‘zini o‘ldirish va oilasidan ajrashish darajasiga yetgan
- O‘zbekistondagi 30 ta xususiy bandlik agentligi birorta ham fuqaroni xorijga jo‘natmagani ma’lum bo‘ldi
- O‘zbekistonda firibgarlikda gumonlanayotgan Janubiy Koreya fuqarosiga jinoyat ishi qo‘zg‘atildi
Izoh (0)