Хорижий давлатларда иш билан таъминлаш эвазига фуқароларнинг 51 500 долларини қўлга киритган корхона раҳбарларига нисбатан жиноят иши очилди. Бу ҳақда «Дарё»га Бош прокуратура матбуот хизмати хабар берди.
Департаментнинг Юнусобод тумани бўлими томонидан ўтказилган терговга қадар текширувда «И.Х.бандлик агентлиги» МЧЖ мансабдор шахслари бир неча фуқароларнинг ишончига кириб, уларни алдаб Германия, Чехия, Литва ва бошқа давлатларда шартнома асосида иш билан таъминлаш эвазига жами 51 500 долларни қўлга киритиб, уларни иш билан таъминламасдан маблағларни ўзлаштириб юборгани аниқланган.
Мазкур ҳолат юзасидан «И.Х.бандлик агентлиги» МЧЖ мансабдор шахсларига нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкентда 52 кишининг аризаси асосида Human хусусий бандлик агентлиги раҳбарига нисбатан жиноят иши қўзғатилди
- Корея орзусидаги юзлаб ўзбекистонликлар алданган. Уларнинг айримлари ўзини ўлдириш ва оиласидан ажрашиш даражасига етган
- Ўзбекистондаги 30 та хусусий бандлик агентлиги бирорта ҳам фуқарони хорижга жўнатмагани маълум бўлди
- Ўзбекистонда фирибгарликда гумонланаётган Жанубий Корея фуқаросига жиноят иши қўзғатилди
Изоҳ (0)