“Innoprom 2024” xalqaro ko'rgazmasida AKFA Group o'zining ishlab chiqarish majmualarining texnik imkoniyatlari va salohiyatini namoyish etdi.
8-iyul — 11-iyul kunlari Rossiyaning Yekaterinburg shahridada “Innoprom” 14-Xalqaro sanoat ko‘rgazmasi bo‘lib o‘tdi. “Innoprom 2024” ko‘rgazmasi O‘zbekiston, Rossiya, Xitoy, Turkiya, Vengriya, Misr va dunyoning boshqa davlatlaridan mashinasozlik, energetika va metallurgiya, sanoat avtomatizatsiyasi va IT, farmatsevtika va tibbiyot sanoati kabi sohalarda faoliyat yurituvchi 900 dan ortiq kompaniyalarni birlashtirdi. Ko‘rgazma tadbirlarida 60 ta mamlakatlar vakillari ishtirok etishdi.
Ko‘rgazmaning bu yilgi asosiy mavzusi “Texnologik sheriklik kelajakni shakllantiradi” bo‘ldi. Ushbu mavzu doirasida sanoat va eksport kooperatsiyasini kengaytirish masalalariga alohida e’tibor qaratildi.
Ko'rgazmada O'zbekistonning yetakchi sanoat xoldingi AKFA Group ham ishtirok etdi. AKFA Group stendida xoldingning Toshkent, Navoiy va mamlakatimizning boshqa shaharlarida joylashgan 20 dan ortiq ishlab chiqarish majmualarining texnik imkoniyatlari va salohiyati namoyish etildi.
AKFA Group stendida qurilish sanoati, transport sektori, energetika va elektrotexnika sanoati uchun yuqori texnologiyali alyuminiy ekstruziyasi namunalari namoyish etildi. Bundan tashqari, AKFA Group stendining mehmonlari deraza va eshik aksessuarlarining keng assortimenti va boshqa turdagi mahsulotlar bilan tanishish imkoniga ega bo‘lishdi.
Shu bilan birga, Green-EX va REGreen-EX brendlari ostidagi mahsulotlarga ham alohida e'tibor qaratilmoqda. Ushbu mahsulotlar atrof muhitga minimal ta'sir ko'rsatadigan ekologik toza alyuminiy profillar hisoblanadi. Green-EX va REGreen-EX brendlari ostidagi alyuminiy ekstruziyasi AKFA Group kompaniyasining issiqxona gazlari chiqindilarini minimallashtirish va uglerodsiz kelajak sari yangi texnologiyalarni joriy etish bo‘yicha olib borayotgan ishlari natijasidir.
“Innoprom 2024” doirasida AKFA Group va MDH davlatlari, Turkiya, Xitoy kompaniyalari vakillari o‘rtasida muzokaralar tashkil etildi. AKFA Group xoldingi vakillari ta’kidlashicha, “Innoprom 2024” ko‘rgazmasi yangi hamkorlik aloqalarini o‘rnatish va eksport geografiyasini kengaytirish uchun yangi imkoniyatlar ochdi.
Reklama huquqi asosida.
Izoh (0)