Qoraqalpog‘istonning Mo‘ynoq tumanida kazinolar qachon qurilishi hozircha noma’lum, bu masalada hozircha aniq gap yo‘q. Bu haqda Mo‘ynoq tumani hokimi Yerpo‘lat Yedenbayev “Daryo” muxbiri Musulmonbek Ibrohimovga bergan intervyusida aytib o‘tdi.
Tuman hokimining alohida qayd etishicha, hozirgi vaqtda O‘zbekistonda kazinolar faoliyati taqiqlangan.
Kazino masalasi, ularning qachon qurilishi hozircha noaniq. Bu bo‘yicha ish olib borilayotgani yo‘q. Bilasiz, bizda kazinolar qonun bilan taqiqlangan. Kazinolar qurilishi uchun esa avvalo qonunchilikka o‘zgartirish kiritish kerak. Lekin hozir bu masala aniq emas.Ma’lumot uchun, Qoraqalpog‘istonda Las-Vegasdagi kabi azart o‘yin zonalari tashkil etilishi mumkinligiga dastlab Prezident Shavkat Mirziyoyev, Oliy Majlisga 2018-yilgi Murojaatnomasi vaqtida ishora qilgandi.Yerpo‘lat Yedenbayev, Mo‘ynoq tumani hokimi
Keyinroq, 2019-yil fevralida O‘zbekiston Bosh prokuraturasi investorlar tomonidan Mo‘ynoq tumanida kazino (o‘yin biznesi)ni tashkil qilish masalasi bo‘yicha takliflar berilganini tasdiqlagan edi.
Spot nashrining manbalari esa bunda gap Qoraqalpog‘istonda ochilishi mumkin bo‘lgan bitta kazino haqida emas, balki azart o‘yinlarni tashkil etish va o‘tkazishga ruxsat beruvchi o‘ziga xos ma’muriy-hududiy obyekt — azart o‘yinlar zonasi haqida borayotganini ma’lum qilgan edi.
2019-yil may oyida esa O‘zbekiston Turizmni rivojlantirish davlat qo‘mitasi Qoraqalpog‘istonda maxsus o‘yin zonasini tashkil etish loyihasini qo‘llab-quvvatlashini bildirgan, ayni vaqtda ushbu zona xorijliklar uchun xizmat qilishini ma’lum qilgan edi.
Izoh (0)