Futbol bo‘yicha Yevropa Chempionlar Ligasining guruhlarda oxirgi tur bahslari 11-dekabr, chorshanba kuni yakuniga yetdi.
“A” guruhidan o‘rin olgan bahsda Zinedin Zidan qo‘l ostidagi Madridning “Real” klubi mehmonda “Bryugge”ga qarshi maydonga tushdi.
To‘qnashuv davomida “Qirollik klubi” a’zolari Rodrigo Goes (53), Vinisius Junior (64) hamda Luka Modrich (90) raqib darvozasini ishg‘ol qilgan bo‘lsa, mezbonlardan Xans Vanaken (55) o‘z hisobiga bitta gol yozdirib qo‘ydi.
Shu tariqa Madrid klubi safarda “Bryugge”ni 3:1 hisobida mag‘lubiyatga uchratdi va 3 ochkoga ega bo‘ldi.
Ta’kidlash joiz, “Real” 11 ochko yig‘ib, “A” guruhida 2-o‘rinni egallagan holda pley-off yo‘llanmasini qo‘lga kiritdi. “Bryugge” esa 3 ochko bilan 3-o‘rindan joy oldi.
“A” guruhidagi holat:
Shu kuni turning markaziy o‘yinlaridan birida Xans-Diter Flik boshqaruvidagi Myunxenning “Bavariya” jamoasi esa “Alyans Arena”da Joze Mourinyo boshchiligidagi Londonning “Tottenhem” jamoasini qabul qildi.
Uchrashuvning 14-daqiqasida mezbon jamoa yarim himoyachisi Kingsli Koman hisobni ochgan bo‘lsa, oradan 6 daqiqa o‘tib “shporlar” vakili Rayan Sessenyon hisobni tenglashtirdi (1:1). 45-daqiqaga kelib “qizillar” hujumchisi Tomas Myuller Alfonso Devis uzatmasini golga aylantirdi (2:1). 64-daqiqada esa braziliyalik Filippe Koutinyo hisobni 3:1 ko‘rinishiga olib keldi.
Shu tariqa Myunxen klubi o‘z maydonida kechgan bahsda “Tottenhem” ustidan 3:1 hisobidagi ishonchli g‘alabaga erishdi.
Mazkur g‘alabadan so‘ng “Bavariya” ochkolari sonini 18 taga yetkazdi va “B” guruhida birinchi o‘rinni egallab, musobaqaning nimchorak finaliga yo‘l oldi. Undan keyingi o‘rindan joy olgan “Tottenhem” esa 10 ochko jamg‘ardi.
“B” guruhidagi holat:
“D” guruhida esa Krishtianu Ronaldu yetakchiligidagi Turinning “Yuventus” klubi safarda “Bayer” bilan bahsga kirishdi.
Bellashuvning 75-daqiqasida “keksa sinyora” hujumchisi Ronaldu hisobni ochgan bo‘lsa, 90-daqiqaga kelib argentinalik Gonsalo Iguain turinliklarning ikkinchi goliga mualliflik qildi.
Natijada o‘yin 2:0 hisobida “Yuventus” foydasiga yakunlandi.
Qayd etish joiz, turinliklar 6 tur natijasiga ko‘ra 16 ochko to‘plagan holda “D” guruhida birinchi o‘rinni egalladi va jamoa Yevropa Chempionlar Ligasining 1/8 final yo‘llanmasini qo‘lga kiritdi. “Bayer” esa 6 ochko bilan 3-o‘rinni band qildi va musobaqadagi ishtirokini yakunladi.
“D” guruhidagi holat:
YChL
6-tur bahslari
11-dekabr, chorshanba
“A” guruhi
PSJ—“Galatasaroy” 5:0
Gollar: 1:0 — 32 Ikardi, 2:0 — 35 Sarabiya, 3:0 — 46 Neymar, 4:0 — 63 Mbappe, 5:0 — 84, penalti Kavani“Bryugge”—“Real” 1:3
Gollar: 0:1 — 53 Rodrigo, 1:1 — 55 Vanaken, 1:2 — 64 Vinisius Junior, 1:3 — 90 Modrich“B” guruhi
“Olimpiakos”—“Srvena Zvezda” 1:0
Gol: 1:0 — 87, penalti Al-Arabi“Bavariya”—“Tottenhem” 3:1
Gollar: 1:0 — 14 Koman, 1:1 — 20 Sessenyon, 2:1 — 45 Myuller, 3:1 — 64 Koutinyo“C” guruhi
“Dinamo Zagreb”—“Manchester Siti” 1:4
Gollar: 1:0 — 10 Olmo, 1:1 — 34 Jezus, 1:2 — 50 Jezus, 1:3 — 54 Jezus, 1:4 — 84 Foden“Shaxtyor D”—“Atalanta” 0:3
Gollar: 0:1 — 66 Kastan, 0:2 — Pashalich, 0:3 — 90 Gosens“D” guruhi
“Atletiko”—“Lokomotiv M” 2:0
Gollar: 1:0 — 17, penalti Feliks, 2:0 — 54 Felipe“Bayer”—“Yuventus” 0:2
Gollar: 0:1 — 75 Ronaldu, 0:2 — 90 IguainYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)