Joriy yilning 22-noyabr kunidan 1-dekabrgacha O‘zneftgazinspeksiya, Majburiy ijro byurosi hamda “Hududgazta’minot” AJ xodimlari va “O‘zstandart” agentligi mutaxassislari tomonidan respublikada joylashgan 72 ta avtomobillarga gaz to‘ldirish kompressor shoxobchasida tabiiy gazni qabul qilish holati yuzasidan o‘rganish o‘tkazildi. Bu haqda O‘zneftgazinspeksiya “Daryo”ga ma’lum qildi.
O‘rganish natijalariga ko‘ra, 16 ta korxona tomonidan gaz hisoblash uskunasiga tashqi ta’sir ko‘rsatilganligi natijasida gaz ta’minoti korxonalariga jami 30,4 milliard so‘m zarar keltirilganligi aniqlandi.
Xususan, quyidagi avtomobillarga gaz to‘ldirish kompressor shoxobchalarida gaz hisoblash uskunasining ko‘rsatkichlariga o‘zgartirish kiritilganligi natijasida uskunalar tabiiy gaz sarfini kam ko‘rsatgan:
Yangiyo‘l tumani
- “Yuksak samara metan gaz” MChJ — 1,2 milliard so‘mlik 1 267,2 ming metr kub gaz;
- “Ravnaq gaz metan servis” MChJ — 979,2 million so‘mlik 979,2 ming metr kub gaz;
- “Hamkor gaz servis” MChJ — 1,08 milliard so‘mlik 1 008 ming metr kub
- “Pegas petrolium gaz” MChJ — 1,4 milliard so‘mlik 1 478,4 ming metr kub
- “Yangiyo‘l metan gaz” MChJ — 3,5 milliard so‘mlik 3564 ming metr kub
- “Optima gaz servis” MChJ — 1,08 milliard so‘mlik 1008 ming metr kub
- “Oqqo‘rg‘on eko gaz” MChJ — 604,8 million so‘mlik 604,8 ming metr kub
- “To‘ytepa voha gaz” MChJ — 756 million so‘mlik 756 ming metr kub
- “Ziyo nur metan” MChJ — 11,8 milliard so‘mlik 11,8 million metr kub.
Izoh (0)