Жорий йилнинг 22 ноябрь кунидан 1 декабргача Ўзнефтгазинспекция, Мажбурий ижро бюроси ҳамда «Ҳудудгазтаъминот» АЖ ходимлари ва «Ўзстандарт» агентлиги мутахассислари томонидан республикада жойлашган 72 та автомобилларга газ тўлдириш компрессор шохобчасида табиий газни қабул қилиш ҳолати юзасидан ўрганиш ўтказилди. Бу ҳақда Ўзнефтгазинспекция «Дарё»га маълум қилди.
Ўрганиш натижаларига кўра, 16 та корхона томонидан газ ҳисоблаш ускунасига ташқи таъсир кўрсатилганлиги натижасида газ таъминоти корхоналарига жами 30,4 миллиард сўм зарар келтирилганлиги аниқланди.
Хусусан, қуйидаги автомобилларга газ тўлдириш компрессор шохобчаларида газ ҳисоблаш ускунасининг кўрсаткичларига ўзгартириш киритилганлиги натижасида ускуналар табиий газ сарфини кам кўрсатган:
Янгиё‘л тумани
- «Юксак самара метан газ» МЧЖ — 1,2 миллиард сўмлик 1 267,2 минг метр куб газ;
- «Равнақ газ метан сервис» МЧЖ — 979,2 миллион сўмлик 979,2 минг метр куб газ;
- «Ҳамкор газ сервис» МЧЖ — 1,08 миллиард сўмлик 1 008 минг метр куб
- «Пегас петролиум газ» МЧЖ — 1,4 миллиард сўмлик 1 478,4 минг метр куб
- «Янгийўл метан газ» МЧЖ — 3,5 миллиард сўмлик 3564 минг метр куб
- «Оптима газ сервис» МЧЖ — 1,08 миллиард сўмлик 1008 минг метр куб
- «Оққўрғон эко газ» МЧЖ — 604,8 миллион сўмлик 604,8 минг метр куб
- «Тўйтепа воҳа газ» МЧЖ — 756 миллион сўмлик 756 минг метр куб
- «Зиё нур метан» МЧЖ — 11,8 миллиард сўмлик 11,8 миллион метр куб.
Изоҳ (0)