Samara—Chimkent yo‘lida 74 nafar yo‘lovchisi bor avtobus YTHga uchragani, ular orasida o‘zbekistonliklar ham borligi haqida xabar berilgan edi. O‘zbekiston Tashqi ishlar vazirligi mazkur hodisa yuzasidan axborot berdi.
O‘zbekistonning Olmaota shahridagi Bosh konsulxonasi bergan ma’lumotga ko‘ra, jabrlanganlar orasida O‘zbekiston fuqarolari qayd etilmagan.
TIV xabariga ko‘ra, yo‘lovchilar evakuatsiya qilingan joyga ularni O‘zbekiston—Qozog‘iston chegarasigacha eltib qo‘yish uchun Chimkent shahridan ikkita avtobus yuborildi. Vaziyat Bosh konsulxona tomonidan nazoratga olingan.
Avtohalokat Qizilo‘rda viloyatining Sijjak qishlog‘i yaqinida sodir bo‘lgan. Dastlabki ma’lumotlarga ko‘ra, Neoplan avtobusi haydovchisi tezlikni oshirgan va oraliq masofani saqlamasdan oldinda ketayotgan DAF yuk mashinasiga to‘qnashgan. Hodisa oqibatida ikki kishi jabrlangan.
Qayd etilishicha, avtobusda bo‘lgan o‘zbekstonlik va tojikistonliklardan iborat 72 fuqaro evakuatsiya qilingan va ularga zarur tibbiy yordam ko‘rsatilgan.
Izoh (0)