Bugun,

  • USD 11014.01
  • RUB 191.8
  • EUR 10674.78

22-noyabr, juma kuni Sankt-Peterburg shahridagi Tavriya saroyida MDH Parlamentlararo assambleyasining 50-yalpi majlisi bo‘lib o‘tdi. Unda 11 ta model qonun hujjati qabul qilindi. Tadbir yakunlari bo‘yicha matbuot anjumani o‘tkazildi. Bu haqda Senat matbuot xizmati ma’lum qildi.

Foto: Senat matbuot xizmati

Foto: Senat matbuot xizmati

Yalpi majlisda O‘zbekiston parlamenti a’zolari delegatsiyasi nomidan Oliy Majlisi Senati raisi Tanzila Norboyeva so‘zga chiqdi.

T.Norboyeva ta’kidlaganidek, O‘zbekiston Parlamentlararo Assambleyani muhim parlamentlararo birlashmalardan biri deb hisoblab, unda o‘z a’zoligini tikladi, bu esa mazkur birlashma ishtirokchi mamlakatlari parlamentlari o‘rtasidagi munosabatlarda yangi sahifa ochdi. Respublikaning boshqa davlatlar bilan ko‘p tomonlama va samarali hamkorligi, shu jumladan, parlament aloqalari sezilarli darajada kengayib bormoqda.

Foto: Senat matbuot xizmati

Foto: Senat matbuot xizmati

Senat raisi MDH PA ishtirokchi davlatlar parlamentlari oldiga qo‘yilgan hamda xavfsizlikni ta’minlashga, barqaror rivojlantirishga va xalqlar ravnaqiga qaratilgan vazifalarni amalga oshirish uchun noyob maydon ekanini ta’kidladi.

PA vazifalarini bajarish maqsadida ishlarni birgalikda davom ettirishga tayyorlik bildirildi. Parlamentlararo Assambleyaning kun tartibi har doim ham ancha keng qamrovli bo‘lishi, ko‘rib chiqilayotgan masalalar esa barcha mamlakatlar uchun dolzarb ahamiyat kasb etishi, shuningdek, ular mazkur mamlakatlar qonunchilik bazasini takomillashtirishga, parlament a’zolari o‘rtasida tajriba almashishga, PA xalqaro nufuzini yanada oshirishga ko‘maklashishi ta’kidlandi.

Shuni hisobga olgan holda O‘zbekiston MDH Parlamentlararo Assambleya doirasida dolzarb muammolarni o‘z vaqtida hal qilish, o‘zaro ishonch va anglashuvni mustahkamlash, mamlakatlar o‘rtasidagi amaliy hamkorlikni kengaytirish uchun o‘z oldiga aniq maqsadlarni qo‘yishi qayd etildi.

Yoshlar harakati, turizm, ekologiya, axborot texnologiyalarini rivojlantirish va boshqa masalalarni amalga oshirish bo‘yicha PAning model qonun hujjatlarini, tashabbuslarini shakllantirish amaliyoti qo‘llab-quvvatlanishi bildirildi.

Foto: Senat matbuot xizmati

Foto: Senat matbuot xizmati

O‘zbekiston 2020-yilda Hamdo‘stlikda raislikni qabul qilishga va MDHning navbatdagi sammitini o‘tkazishga tayyorgarlik ko‘rmoqda. Bu borada shu yil oktabr oyida Ashxobod shahrida o‘tkazilgan MDH sammitida O‘zbekiston belgilab bergan ustuvorliklar hisobga olingan holda Raislik qilish konsepsiyasi hamda uni amalga oshirish bo‘yicha tadbirlar rejasi tayyorlandi va tasdiqlandi.

Shu munosabat bilan Tanzila Norbayeva O‘zbekiston MDHda raislik qilishi doirasida PAning majlislaridan birini mamlakatda o‘tkazishni taklif qildi.

Izoh
Asosiy yangiliklar
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi
Mahalliy
Rossiyada O‘zbekiston fuqarosining pasporti ish beruvchi tomonidan olib qo‘yilgani aniqlandi