Milliy gvardiya tashabbusi bilan Namangan viloyatining Kosonsoy tumanida joylashgan asfalt zavodiga qarashli binoda “Ko‘p qavatli binoda garovga olinganlarni ushlab turgan, qurollangan terrorchilarni zararsizlantirish va yakson qilish” mavzusida DXX, FVB va IIB bo‘linmalarining birgalikdagi harakati bo‘yicha maxsus taktik o‘quvi o‘tkazildi.
O‘quvning asosiy maqsadi tegishli xizmat va tuzilmalarning kuch va vositalari bilan tezkor boshqaruvni amalga oshirish bo‘ldi. Obyektlarda qo‘poruvchilik harakatlarining sodir etilishiga qaratilgan urinishlarga chek qo‘yish, garovga olinganlarni ozod qilish, xavfsizligini ta’minlash va ularni ushbu obyektdan evakuatsiya qilish, aniqlangan portlovchi vositalarni zararsizlantirish, jamoat tartibini saqlash, yong‘in, yo‘l harakati va fuqarolarning xavfsizligini ta’minlash, favqulodda vaziyatlarda hamkorlikdagi tezkor harakatlarni yuqori darajaga ko‘tarishga e’tibor qaratildi.
“Milliy gvardiya fuqarolar osoyishtaligini ta’minlash, terrorchilik harakatlari turli tahdidlarining oldini olish va unga qarshi kurashish borasida bir qator xalqaro hamkorlikdagi o‘quv mashg‘ulotlari va treninglar o‘tkazib kelmoqda. Respublikadagi hamkor vazirlik hamda tashkilotlar bilan birgalikda xalqaro tajribalarni qo‘llagan holda o‘tkazilayotgan o‘quvlar harbiy xizmatchi va xodimlarning jangovar shayligini mustahkamlash, kasbiy mahoratini yanada takomillashtirishda o‘z samarasini bermoqda”, — deyiladi xabarda.
Izoh (0)