Bugun poytaxtimizdagi “Hyatt regency” mehmonxonasida ajoyib taqdimot bo‘lib o‘tdi. Unda “Agrobank” ATB bosh ofisining rahbar va xodimlari hamda ommaviy axborot vositalari vakillari, bank mijozlari va tadbirkorlar ishtirok etishdi.
Taqdimot “Agrobank” jamoasi tomonidan tayyorlangan bo‘lib, unda bank mijozlari uchun yana bir yangi xizmat turi tanishtirildi. “Onlayn kredit”dan tadbirkorlik subyektlari 2 xil usulda foydalanish imkoniyati mavjud:
* “Agrobank mobile” mobil ilovasi;
* “Internet banking” tizimi orqali.
Ushbu mahsulotimizdan mijozning qo‘lidagi gadjet orqali, ya’ni qo‘l telefoni, planshet yoki noutbuk orqali foydalanish mumkin. “Onlayn kredit” mijoz hisob raqamidagi mablag‘larning 6 oylik aylanmasini 1 oylik o‘rtacha mablag‘ida taqdim etiladi. Bunda mijozning asosiy hisob raqami “Agrobank”da ochilgan bo‘lishi lozim. Shuni alohida ta’kidlab o‘tish joiz, 50 million so‘mgacha bo‘lgan mablag‘ kredit ta’minotsiz taqdim etiladi. 50 million so‘mdan yuqori bo‘lgan kredit mablag‘lari uchun esa sug‘urta polisi talab etiladi.
Buning uchun bankga kelib, sug‘urta polisini taqdim etish shart emas, faqatgina “Agrobank mobil biznes” ilovasi yoki “Internet banking” tizimidan mijoz o‘ziga qulay bo‘lgan sug‘urta kompaniyasini tanlashi kifoya, — deydi “Agrobank” bosh menejeri Abdurahmon Sherov.
— Yuqorida ta’kidlab o‘tilganidek, “Onlayn kredit”dan foydalanish uchun foydalanuvchi barcha funksiyalarni onlayn tarzda amalga oshiradi. Ushbu xizmat turi yuridik shaxslarga 1 yil muddatga, yillik 26% foiz ustama beriladi. Chindan ham yangi xizmat turida hamma funksiyalar masofadan bajariladi. Mijoz shartnoma bilan elektron tanishib, uni tasdiqlasa bo‘ldi. Pul o‘sha zahoti uning hisob raqamiga tushadi.
Tadbirda OAV vakillaridan tashqari bankning doimiy mijozlari ham ishtirok etishib, albatta, bu yangi xizmat turidan foydalanib ko‘rishlarini ta’kidlab o‘tishdi.
Bu yangilik mamlakatimiz moliya-bank tizimida yetakchi o‘rinlardan biriga ega bo‘lgan “Agrobank” aksiyadorlik tijorat banki tomonidan ham aholi va bank mijozlariga yanada qulay va zamonaviy bank xizmatlarini amaliyotga tatbiq etish orqali tezkor, ishonchli, innovatsion bank xizmatlaridan foydalanish imkoniyatlarini kengaytirishga katta e’tibor qaratilayotganiga yana bir misol, desak adashmagan bo‘lamiz.
“Agrobank” matbuot xizmati.
Sayt: www.agrobank.uz
Reklama huquqi asosida.
Izoh (0)