«Агробанк»дан яна бир янгилик! Ўзбекистон банклари ичида илк бора юридик шахслар учун «Онлайн кредит»

Бугун пойтахтимиздаги Hyatt regency меҳмонхонасида ажойиб тақдимот бўлиб ўтди. Унда «Агробанк» АТБ бош офисининг раҳбар ва ходимлари ҳамда оммавий ахборот воситалари вакиллари, банк мижозлари ва тадбиркорлар иштирок этишди.

Тақдимот «Агробанк» жамоаси томонидан тайёрланган бўлиб, унда банк мижозлари учун яна бир янги хизмат тури таништирилди. «Онлайн кредит»дан тадбиркорлик субъектлари 2 хил усулда фойдаланиш имконияти мавжуд:

* «Аgrobank mobile» мобил иловаси;

* «Интернет банкинг» тизими орқали.

Ушбу маҳсулотимиздан мижознинг қўлидаги гаджет орқали, яъни қўл телефони, планшет ёки ноутбук орқали фойдаланиш мумкин. «Онлайн кредит» мижоз ҳисоб рақамидаги маблағларнинг 6 ойлик айланмасини 1 ойлик ўртача маблағида тақдим этилади. Бунда мижознинг асосий ҳисоб рақами «Агробанк»да очилган бўлиши лозим. Шуни алоҳида таъкидлаб ўтиш жоиз, 50 миллион сўмгача бўлган маблағ кредит таъминотсиз тақдим этилади. 50 миллион сўмдан юқори бўлган кредит маблағлари учун эса суғурта полиси талаб этилади.

Бунинг учун банкга келиб, суғурта полисини тақдим этиш шарт эмас, фақатгина «Агробанк мобил бизнес» иловаси ёки «Интернет банкинг» тизимидан мижоз ўзига қулай бўлган суғурта компаниясини танлаши кифоя, — дейди «Агробанк» бош менежери Абдураҳмон Шеров.

— Юқорида таъкидлаб ўтилганидек, «Онлайн кредит»дан фойдаланиш учун фойдаланувчи барча функцияларни онлайн тарзда амалга оширади. Ушбу хизмат тури юридик шахсларга 1 йил муддатга, йиллик 26% фоиз устама берилади. Чиндан ҳам янги хизмат турида ҳамма функциялар масофадан бажарилади. Мижоз шартнома билан электрон танишиб, уни тасдиқласа бўлди. Пул ўша заҳоти унинг ҳисоб рақамига тушади.

Тадбирда ОАВ вакилларидан ташқари банкнинг доимий мижозлари ҳам иштирок этишиб, албатта, бу янги хизмат туридан фойдаланиб кўришларини таъкидлаб ўтишди.

Бу янгилик мамлакатимиз молия-банк тизимида етакчи ўринлардан бирига эга бўлган «Агробанк» акциядорлик тижорат банки томонидан ҳам аҳоли ва банк мижозларига янада қулай ва замонавий банк хизматларини амалиётга татбиқ этиш орқали тезкор, ишончли, инновацион банк хизматларидан фойдаланиш имкониятларини кенгайтиришга катта эътибор қаратилаётганига яна бир мисол, десак адашмаган бўламиз.

«Агробанк» матбуот хизмати.

Сайт: www.agrobank.uz

Instagram

Telegram

Facebook

Реклама ҳуқуқи асосида.