Angliya chempionatida 9-noyabr, shanba kuni bir nechta uchrashuvlar bo‘lib o‘tdi.
“Tottenhem” o‘z maydonida “Sheffild Yunayted”ni qabul qildi. Birinchi bo‘lim teng kurashlar ostida o‘tdi va tanaffusga qadar hisob ochilmadi. 58-daqiqada Son Hyon Min mehmonlarning himoyadagi xatosidan unumli foydalanib, londonliklarni oldinga olib chiqdi. 78-daqiqada Jorj Boldok muvozanatni tiklashga erishdi. Qolgan vaqtda hisob o‘zgarmadi.
Parallel kechgan bahslarda “Everton” safarda “Sauthempton”ni mag‘lubiyatga uchratgan bo‘lsa, “Nyukasl” o‘zida “Bornmut”ni irodali tarzda taslim etdi. “Vest Hem” esa kutilmaganda “Byornli”ga yirik hisobda mag‘lub bo‘ldi.
APL
12-tur bahslari
9-noyabr, shanba
“Tottenhem” — “Sheffild Yunayted” 1:1
Gollar: 1:0 — 58 Son Hyon Min, 1:1 — 78 Boldok“Nyukasl” — “Bornmut” 2:1
Gollar: 0:1 — 14 Uilson, 1:1 — 42 Yedlin, 2:1 — 52 Klark.“Sauthempton” — “Everton” 1:2
Gollar: 0:1 — 4 Devis, 1:1 — 50 Ingz, 1:2 — 75 Risharlison.“Byornli” — “Vest Hem” 3:0
Gollar: 1:0 — 11 Barns, 2:0 — 44 Vud, 3:0 — 54, avtogol Roberto.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)