Yevropa tiklanish va taraqqiyot banki (YeTTB) prognozlariga ko‘ra, joriy yil yakunlariga ko‘ra, O‘zbekistonning yalpi ichki mahsuloti 5,5 foizga, 2020-yilda esa 5,8 foizga o‘sadi. Bu haqda YeTTB ning “Mintaqaviy iqtisodiy istiqbollar” (Regional Economic Prospects) yangi hisobotida aytilgan.
Prognozlar bankning may oyidagi hisobotiga nisbatan mos ravishda 0,5 va 0,6 foiz punktlariga oshgan. Bank mutaxassislarining fikricha, O‘zbekiston iqtisodiyotining o‘sishi, birinchi navbatda sanoat va qurilish sohalarini rivojlantirish hisobiga ta’minlanadi.
Mavzuga doir: Yevropa tiklanish va taraqqiyot banki O‘zbekistondagi 2 ta uran konini qayta tiklash uchun 7 mln yevro ajratadi
Bundan tashqari, o‘tgan yilning shu davriga nisbatan uch chorak davomida kreditlash hajmining 60 foizga o‘sishi qayd etilgan, bu tadbirkorlik faoliyati va infratuzilmaga investitsiyalarni jalb etish o‘sib borayotganidan dalolat beradi.
Hisobotda qayd etilishicha, O‘zbekistonda inflyatsiya darajasi yilning birinchi uch choragida 14,1 foizgacha pasaydi.
YeTTB, shuningdek, O‘zbekistonning valyuta bozorini erkinlashtirishni qo‘llab-quvvatlaydi. Natijada 2019-yil boshidan buyon devalvatsiya deyarli 12 foizni tashkil etdi.
Izoh (0)