Европа тикланиш ва тараққиёт банки (ЕТТБ) прогнозларига кўра, жорий йил якунларига кўра, Ўзбекистоннинг ялпи ички маҳсулоти 5,5 фоизга, 2020 йилда эса 5,8 фоизга ўсади. Бу ҳақда ЕТТБ нинг «Минтақавий иқтисодий истиқболлар» (Regional Economic Prospects) янги ҳисоботида айтилган.
Прогнозлар банкнинг май ойидаги ҳисоботига нисбатан мос равишда 0,5 ва 0,6 фоиз пунктларига ошган. Банк мутахассисларининг фикрича, Ўзбекистон иқтисодиётининг ўсиши, биринчи навбатда саноат ва қурилиш соҳаларини ривожлантириш ҳисобига таъминланади.
Мавзуга доир: Европа тикланиш ва тараққиёт банки Ўзбекистондаги 2 та уран конини қайта тиклаш учун 7 млн евро ажратади
Бундан ташқари, ўтган йилнинг шу даврига нисбатан уч чорак давомида кредитлаш ҳажмининг 60 фоизга ўсиши қайд этилган, бу тадбиркорлик фаолияти ва инфратузилмага инвестицияларни жалб этиш ўсиб бораётганидан далолат беради.
Ҳисоботда қайд этилишича, Ўзбекистонда инфляция даражаси йилнинг биринчи уч чорагида 14,1 фоизгача пасайди.
ЕТТБ, шунингдек, Ўзбекистоннинг валюта бозорини эркинлаштиришни қўллаб-қувватлайди. Натижада 2019 йил бошидан буён девалвация деярли 12 фоизни ташкил этди.
Изоҳ (0)